Urdaibain Turismo Jasangarriaren Europako Gutuna ezartzeko aukeraz ari ziren lehenengo bilera haietatik, Izkira Urdaibain dihardugunok gogotsu parte hartu genuen hasieratik, Foro Iraunkorrean parte hartuta eta, azkenik, Gutuna Urbaibain ezartzeko bigarren fasean Turismo Aktiboko 15 enpresetako bat eta 5 erakundetako bat onartu gintuzten. Izan ere, 2018. urteaz geroztik ari gara jarduerak egiten Biosfera Erreserban.

Turismo Jasangarriaren Europako Gutuna (CETS) ekimenaren helburua turismo jasangarria sustatzea da. Hortaz, borondatezko metodo eta konpromisoa da Gutuna, turismo jasangarriaren printzipioak aplikatzeko, eta jasangarritasunaren aldeko kudeatzaileak eta enpresak orientatzen ditu, bere estrategiak modu partaidetuan zehatz ditzaten.

Gaur egun, 15 herrialdetako 102 naturagune babestu daude Turismo Jasangarriaren Europako Gutunari atxikita (CETS). Espainiako 29 naturagune babestu daude, eta horietako 400 enpresa daude atxikita. Egiaztagiri horrek hainbat onura dakartza, hala nola Europan turismo jasangarriko lurralde bikaintzat hartzea, garapen sozioekonomiko orekatua bultzatzea eta turismo-produktu bikainak, benetakoak eta inguruarekin bat datozenak garatzea.

UNESCOk 1984an izendatu zuen Biosfera Erreserba Urdaibai, Eusko Jaurlaritzak proposatuta, inguruaren ingurumen-balio itzela babesteko eta jasangarritasunaren erreferentziazko lurralde bilakatzeko gizartean sortutako mugimendu gogotsu baten ondorioz. Oka ibaia eta bertako padurak dira Urdaibaiko bihotza, eta ingurumen-balio handiko paisaia itxuratu dute. 22.000 hektarea ditu lurraldeak, Matxitxakotik Arboliz Muturrrera, eta hegoaldeko muga Oiz mendia du. 45.000 biztanle inguru bizi dira lurraldean, historia, kultura, sukaldaritza eta natura-ondare joriak dituzten 22 udalerritan.

Urdaibaira iristeko modurik onenak

Línea Bilbao/Matiko – Gernika-Lumo – Bermeo

Ibilbidearen mapa · Programatu bilatzailea

Bilbotik Bermeora

BI631 Bilbao-Mungia-Bermeo / BI2101 Bakio-Bermeo

Amorebietatik Gernika-Lumora

BI-635 Amorebieta-Gernika (Zornotzarako autobidea)

Mungiatik

BI 2121 Mungia-Gernika

Lekeitiotik

BI-3238 Lekeitio-Gernika